36 C
Ahmedabad
Friday, March 29, 2024

AAP પાર્ટીને રાષ્ટ્રીય પક્ષનો દરજ્જો મળ્યો, NCP-TMC પાસેથી દરજ્જો છીનવાયા


કેન્દ્રીય ચૂંટણી પંચે અરવિંદ કેજરીવાલની આમ આદમી પાર્ટીને રાષ્ટ્રીય પક્ષનો દરજ્જો આપ્યો છે. ચૂંટણી પંચે સોમવારે કહ્યું કે મમતા બેનર્જીની તૃણમૂલ કોંગ્રેસ (TMC), શરદ પવારની NCP અને CPIએ તેમનો રાષ્ટ્રીય દરજ્જો ગુમાવી દીધો છે. પૂર્વોત્તર રાજ્યોમાં હાર બાદ એનસીપી પાસેથી રાષ્ટ્રીય પાર્ટીનો દરજ્જો છીનવાઈ ગયો છે. ચૂંટણી પંચે કહ્યું કે AAPને ચાર રાજ્યો દિલ્હી, ગોવા, પંજાબ અને ગુજરાતમાં તેના ચૂંટણી પ્રદર્શનના આધારે રાષ્ટ્રીય પક્ષનો દરજ્જો આપવામાં આવ્યો છે. ભાજપ, કોંગ્રેસ, કોમ્યુનિસ્ટ પાર્ટી ઓફ ઈન્ડિયા માર્ક્સવાદી (CPI), બહુજન સમાજ પાર્ટી (BSP), નેશનલ પીપલ્સ પાર્ટી (NPP) અને AAP હવે રાષ્ટ્રીય પક્ષો છે. લોક જનશક્તિ પાર્ટી (રામ વિલાસ પાસવાન)ને નાગાલેન્ડમાં રાજ્ય પક્ષનો દરજ્જો મળ્યો છે. તૃણમૂલ કોંગ્રેસ બંગાળ અને ત્રિપુરામાં રાજ્ય સ્તરીય પાર્ટીનો દરજ્જો જાળવી રાખશે.

રાષ્ટ્રીય લોકદળનો રાજ્ય પક્ષનો દરજ્જો છીનવાઈઃ-

બીઆરએસને આંધ્રપ્રદેશમાં રાજ્ય પક્ષ તરીકે અમાન્ય કરવામાં આવ્યું છે. ભારતના ચૂંટણી પંચે ઉત્તર પ્રદેશમાં રાષ્ટ્રીય લોકદળનો રાજ્ય પક્ષનો દરજ્જો પાછો ખેંચી લીધો છે. પશ્ચિમ બંગાળમાં રાજ્ય પક્ષ તરીકે ક્રાંતિકારી સમાજવાદી પક્ષને રદ કર્યો. મેઘાલયમાં વોઈસ ઓફ ધ પીપલ પાર્ટીને રાજ્યની પાર્ટી તરીકે માન્યતા આપવામાં આવી હતી.

અરવિંદ કેજરીવાલે ટ્વીટ કર્યુઃ-

આમ આદમી પાર્ટીને રાષ્ટ્રીય પાર્ટીનો દરજ્જો મળવા પર દિલ્હીના મુખ્યમંત્રી અને AAPના રાષ્ટ્રીય સંયોજક અરવિંદ કેજરીવાલે ટ્વીટ કર્યું કે આટલા ઓછા સમયમાં રાષ્ટ્રીય પાર્ટી? આ કોઈ ચમત્કારથી ઓછું નથી. સૌને ખૂબ ખૂબ અભિનંદન. દેશના કરોડો લોકો અમને અહીં લાવ્યા છે. લોકો અમારી પાસેથી ઘણી અપેક્ષા રાખે છે. આજે લોકોએ અમને આ મોટી જવાબદારી સોંપી છે. હે પ્રભુ, અમને આ જવાબદારી સારી રીતે નિભાવવા આશીર્વાદ આપો.

AAP સાંસદ રાઘવ ચઢ્ઢાએ ખુશી વ્યક્ત કરીઃ-

AAP સાંસદ રાઘવ ચઢ્ઢાએ ટ્વિટ કર્યું કે અરવિંદ કેજરીવાલની પાર્ટીએ માત્ર 10 વર્ષમાં તે કરી બતાવ્યું જે મોટી પાર્ટીઓને કરવામાં દાયકાઓ લાગ્યા. આમ આદમી પાર્ટીના દરેક કાર્યકર્તાને સલામ જેમણે આ પાર્ટી માટે લોહી, પરસેવો વહાવ્યો, લાઠીઓ, આંસુ ગેસ અને પાણીની તોપોનો સામનો કર્યો. આ નવી શરૂઆત માટે સૌને અભિનંદન.

 

 


Related Articles

LEAVE A REPLY

Please enter your comment!
Please enter your name here

Stay Connected
0FansLike
0FollowersFollow
2FollowersFollow
63SubscribersSubscribe
- Advertisement -spot_img

વિડીયો

- Advertisement -
error: Content is protected !!