સોમવારે દેશમાં કોરોનાનો કહેર જોવા મળ્યો છે. ઘણા રાજ્યોમાં કેસ વધવાની સાથે, મૃત્યુની સંખ્યામાં પણ વધારો થયો છે. છેલ્લા 24 કલાકમાં, કોરોના સંક્રમણને કારણે 27 લોકોના મોત થયા છે, જ્યારે હવે દેશમાં નવા દર્દીઓ આવ્યા બાદ સક્રિય કેસની સંખ્યા 60 હજારને વટાવી ગઈ છે.
છેલ્લા 24 કલાકમાં દેશમાં કોરોનાના 9,111 નવા કેસ નોંધાયા છે. આ સાથે 6,313 દર્દીઓ સાજા પણ થયા છે. હવે દેશમાં સક્રિય દર્દીઓની સંખ્યા 60,313 પર પહોંચી ગઈ છે. આ પહેલા રવિવારે દેશભરમાં કોરોનાના 10,093 નવા કેસ નોંધાયા હતા અને 23 સંક્રમિત દર્દીઓના મોત થયા હતા, ત્યારબાદ સક્રિય કેસની સંખ્યા વધીને 57,542 થઈ ગઈ હતી. સોમવારે આરોગ્ય મંત્રાલય દ્વારા જારી કરવામાં આવેલા આંકડા અનુસાર, આજે 27 લોકોના મોત બાદ દેશભરમાં કોરોનાના કારણે મૃત્યુઆંક 5,31,141 પર પહોંચી ગયો છે.
ગુજરાતમાં 6, યુપીમાં 4 દર્દીઓના મોત થયા છે
ગુજરાતમાં 6, યુપીમાં 4, દિલ્હી-રાજસ્થાનમાં 3-3, મહારાષ્ટ્રમાં 2, બિહાર, છત્તીસગઢ, હિમાચલ પ્રદેશ, ઝારખંડ, કેરળ અને તમિલનાડુમાં 1-1 કોરોના સંક્રમિતના મોત થયા છે. આ સાથે હવે કોરોના કેસની કુલ સંખ્યા વધીને 4,48,27,226 થઈ ગઈ છે. હવે દેશમાં કોરોનાનો ચેપ દર વધીને 8.40 થઈ ગયો છે, આ ઉપરાંત સાપ્તાહિક દર 4.94 છે.
