પોલીસ અધિક્ષક તાપીના સીધા માર્ગદર્શન અને સૂચના અનુસાર તાપી જિલ્લામાં ઘરફોડ ચોરી જેવા બનાવો પર નિયંત્રણ માટે અસરકારક કામગીરી કરવા માટે જિલ્લાના તમામ પોલીસ સ્ટેશનના કર્મચારીઓને સૂચના આપવામાં આવી હતી. જે સૂચના અનુસાર પોલીસ ઈન્સ્પેક્ટર વી.કે.પટેલ કુકરમુંડા પોલીસ સ્ટેશનના માર્ગદર્શન હેઠળ કુકરમુંડા પોલીસ સ્ટેશનના હદ વિસ્તારમાં મિલકલ સંબંધી ગુનાઓ અટકાવવા પ્રયત્નો કરવામાં આવી રહ્યા છે. જેમાં ઉપર મુજબની માહિતી મુજબ અનુસાર તપાસ કરવામાં આવી રહી હતી.
કુકરમુંડા પોલીસ સ્ટેશન પાર્ટ -A મુજબ કલમ નંબર 305,331 (3)331 (4) મુજબ તપાસ કરી ચાલી રહી હતી ત્યારે સદર ગુનામાં ફૂલવાડી ગામના મુખ્ય રોડ પર ઉપર આવેલા વોડાફોનના ટાવરના સેલ્ટર રૂમના અંદરથી કોઈ અજાણ્ય ચોર ઈસમ ઈન્ડસ મોબાઈલ ટાવરના સેલ્ટર રૂમની અંદર પ્રવેશ કરી, સેલ્ટર રૂમમાં ફિટ કરેલા વરલા પ્લસ 600 AH બેટરીઓ નંગ 24 મળી કુલ 72 હજાર મત્તાની ચોરી કરી ફરાર થઈ ગયો હતો. જે ઘટના બાદ પોલીસે ગુનાને ઉકેલી નાખવા માટે તમામ પ્રયાસે હાથ ધરી હતી જેમાં પોલીસે ઝીણવટ પૂર્વક તપાસ કરતા મોબાઈલ ટાવરના ટેકનિશયન અનિલ મધુકર પટેલની ધરપકડ કરવામાં આવી હતી. પકડાયેલા શખ્સની આગવી ઢભે પૂછપરછ કરતા પોતે ગુનાની કબૂલાત કરી હતી. આ ઉપરાંત આરોપીએ બેટરી નંગ-24 ચોરી કરી હોવાનું એકરાર કરતા ગુનાના કામે ધરપકડ કરવામાં આવી હતી. અને મોબાઈલ બેટરીની વેચાણ બદલ મેળવેલી રકમ 18,500 પણ રીકવરી કરી પકડાયેલો શખ્સ અન્ય કોઈ ગુનામાં સંડોવાયેલો છે કે, નહી તે દિશામાં પોલીસે તપાસ હાથ ધરી છે ત્યારે આગામી સમયમાં પકડાયેલા શખ્સ અન્ય ગુનાઓની પણ કબૂલાત કરી તેવી શખ્યતાઓ છે.
જુઓ આરોપીનો વીડિયો….
કામગીરી કરનાર પોલીસ કર્મીઓ :-
- પોલીસ ઈન્સ્પેક્ટર વી.કે.પટેલ કુકરમુંડા પોલીસ સ્ટેશન
- ASI જયરાજસિંહ
- ASI ગંભીરસિંહ મહોબત સિંહ
- HC રવિન્દ્રભાઈ છગનભાઈ
- HC અર્જુનસિંહ વિક્રમસિંહ
- HC રવિભાઈ હરીયાભાઈ
- પોલીસ કોન્સ્ટેબલ પ્રશાંતભાઈ કિશોરભાઈ
- પોલીસ કોન્સ્ટેબલ સાગરભાઈ મગનભાઈ
આ તમામ પોલીસકર્મીએ આરોપીને ઝડપી પાડી વધુ એક ગુનો ઉકેલવામાં સફળતા મેળવી છે. આ ઉપરાંત તાપી જિલ્લમાં અન્ય પણ ગુનાઓ જેમ કે, ચોરી, લૂંટ, હત્યા, દારૂની હેરાફેરી જેવા ગુનાઓમાં નાસતા-ફરતા આરોપીઓને ઝડપી પાડવા માટે તાપી જિલ્લાની પોલીસની પોલીસ કામગીરી રહી છે. આગામી સમયમાં આ તમામ ગુનાઓમાં ફરાર આરોપીઓને ઝડપી પાડી કાયદેસરની કાર્યવાહી હાથ ધરવામાં આવશે.
