ભગવાને માણસને સ્વભાવે સ્ત્રી અને પુરુષ બંનેને સમાન બનાવ્યા છે. સમાન મન, સમાન હૃદય અને સમાન દેખાવ આપવામાં આવ્યો છે. સ્ત્રી અને પુરૂષ બંને તમામ કાર્યો માટે સમાન રીતે સક્ષમ છે. આટલું બધું હોવા છતાં, ઊંચાઈ અને વજન બે એવી બાબતો છે જેમાં પુરૂષો સ્ત્રીઓ કરતાં વધારે ઊંચા હોય છે. સામાન્ય રીતે જોઈએ તો સરેરાશ રીતે પુરુષોની ઊંચાઈ અને વજન સ્ત્રીઓ કરતાં વધુ હોય છે. આની પાછળનું કારણ શું છે ત્યારે ચાલો જાણીએ સાચું કરાણ સ્ત્રી અને પુરૂષની ઊંચાઈમાં આ તફાવત આનુવંશિક છે.
વારસાગત પુરુષો સ્ત્રીઓ કરતા ઊંચા હોય છે
આપણે આપણા પોતાના કુટુંબ પર નજર કરીએ તો, કુટુંબની સ્ત્રીઓ વારસાગત રીતે પુરુષો કરતાં ઓછી ઊંચાઈ ધરાવતી જોવા મળશે. તેની અસર વર્તમાન પેઢીઓ પર પણ જોવા મળે છે અને તેમની ઊંચાઈ ઘટતી જાય છે. ડાર્વિનનો સિદ્ધાંત અહીં કામ કરે છે. એટલે કે માનવીએ પોતાની જરૂરિયાતો અનુસાર પોતાની જાતને અનુકૂલિત કરી અને આ વિકાસ પેઢી દર પેઢી થયો.
માણસનો હોર્મોન્સ કરે છે અસર
માણસના શરીરના વિકાસમાં હોર્મોન્સની ભૂમિકા ખૂબ જ મહત્વપૂર્ણ રહેલી છે. ક્યારેક હોર્મોન્સમાં વધારો અથવા ઘટાડો થવાને કારણે શરીરમાં અસામાન્ય રીતે વધારો અથવા ઘટાડો થઈ શકે છે. જ્યારે આપણે યુવાન હોઈએ છીએ, ત્યારે એસ્ટ્રોજન અને ટેસ્ટોસ્ટેરોન હોર્મોન્સ પુરુષો અને સ્ત્રીઓ બંનેમાં સમાન રીતે મુક્ત થાય છે. વિજ્ઞાન અનુસાર, કિશોરાવસ્થા દરમિયાન પુરુષોમાં ટેસ્ટોસ્ટેરોન હોર્મોન વધે છે, જે સ્નાયુઓના વિકાસને પ્રોત્સાહન આપે છે. તે જ સમયે, જ્યારે છોકરીઓ કિશોરાવસ્થામાં પ્રવેશ કરે છે, ત્યારે એસ્ટ્રોજનનું સ્તર ઘટે છે, જે વૃદ્ધિ હોર્મોનને અટકાવે છે, જે ઊંચાઈને અસર કરે છે.
એક અભ્યાસમાં પ્રકાશિત થયેલી વાત
આ અંગેનો અભ્યાસ જર્નલ બાયોલોજી લેટર્સમાં પ્રકાશિત થયો છે. તે કહે છે કે છેલ્લી સદીમાં પુરૂષોની ઊંચાઈ મહિલાઓની સરખામણીએ બમણી ઝડપથી વધી છે. આ ઉપરાંત તેમના વજનમાં પણ તફાવત જોવા મળ્યો છે. આ અભ્યાસ 69 દેશોમાં લગભગ એક લાખ લોકો પર કરવામાં આવ્યો હતો. સંશોધનમાં જાણવા મળ્યું છે કે એક સદીમાં સ્ત્રીઓમાં સરેરાશ વૃદ્ધિ 1.68 સેમી હતી, જ્યારે પુરુષોની ઊંચાઈમાં વધારો 4.03 સેમી હતો. જ્યારે મહિલાઓનું વજન 2.70 કિલો અને પુરુષોનું વજન 6.48 કિલો વધ્યું છે.
