ભારતમાં જ નહી પણ વિશ્વના અન્ય દેશોમાં પણ વિપક્ષ દ્વારા વિરોધ કરવામાં આવી રહ્યો છે. આ બધાં વચ્ચે સર્બિયાની વાત કરીએ તો, સર્બિયાની સંસદમાં વિપક્ષે ભારે હોબાળો મચાવ્યો હતો. વિપક્ષનો આ હોબાળાએ આક્રમક સ્વરૂપ ધારણ કર્યું હતું. વિપક્ષના સાંસદોએ સરકારની નીતિઓનો વિરોધ કરતાં એક પછી એક અનેક સ્મોક ગ્રેનેડ અને ટિઅર ગેસના સેલ ફેંક્યા હતાં. જેનાથી સંસદમાં અફરાતફરીનો માહોલ સર્જાયો હતો. સર્બિયાની સંસદમાં લાઈવ સેશન ચાલી રહ્યું હતું ત્યારે સર્બિયાના વિપક્ષનાસાંસદોએ સરકારની નીતિઓનો ભારે વિરોધ કર્યો હતો. આ વિરોધ આક્રમક બનતાં તેઓએ સંસદની અંદર જ સ્મોક ગ્રેનેડ અને ટીઅર ગેસના સેલ છોડ્યા હતાં. ત્યારબાદ આખા સંસદમાં કાળો અને ગુલાબી ધુમાડો ફેલાયો હતો.
વિપક્ષનો ભારે વિરોધથી હાહાકાર
સર્બિયામાં ચાર મહિના પહેલા રેલવે સ્ટેશનની છત પડવાથી 15 લોકોના મોત થયા હતા. છેલ્લા ચાર મહિનાથી આ ઘટના મુદ્દે સરકારનો વિરોધ કરી રહ્યા છે. વિધાનસભાના સેશન દરમિયાન સર્બિયન પ્રોગ્રેસિવ પાર્ટીના નેતૃત્વ હેઠળની ગઠબંધન સરકારે સેશનમાં યુનિવર્સિટીના ફંડિંગ માટે એક એજન્ડાને મંજૂરી આપી હતી. જેમાં અમુક નિયમોનો વિપક્ષના સાંસદોએ વિરોધ નોંધાવ્યો હતો. તેઓ પોતાની બેઠક પરથી ઉભા થઈ સ્પીકર તરફ દોડ્યા હતાં. તે દરમિયાન સુરક્ષા ગાર્ડ્સ સાથે મારામારી અને ઝપાઝપી પણ કરી હતી.
ચાલું સસંદમાં કર્યો વિરોધ
સર્બિયનની સંસદ દેશની યુનિવર્સિટી માટે ફંડ વધારતો કાયદો પસાર કરવાની હતી. પરંતુ તેને મંજૂરી ન મળતાં વિદ્યાર્થી સંગઠનોએ ડિસેમ્બરથી સરકાર પાસે આ કાયદો પસાર કરવાની માગ સાથે વિરોધ નોંધાવ્યો હતો. તેમાં દેશના વડાપ્રધાન મિલોસ વુસેવિકનું રાજીનામું પણ માગ્યું છે. પરંતુ સરકારે સેશનમાં એજન્ડામાં અનેક એવા નિયમો રજૂ કરતાં વિપક્ષ ભડકી ઉઠ્યું હતું.
