વર્લ્ડ કપ 2023ની પ્રથમ સેમિફાઇનલ મેચ ભારત અને ન્યુઝીલેન્ડ વચ્ચે 15 નવેમ્બરે મુંબઈના વાનખેડે સ્ટેડિયમમાં રમાશે. ભારતે આ વર્લ્ડ કપમાં અત્યાર સુધી 9 મેચ રમી છે અને તમામમાં જીત મેળવી છે. હવે ટીમ ઈન્ડિયા સેમીફાઈનલ માટે મેદાનમાં ઉતરશે. આ વર્લ્ડ કપ પર નજર કરીએ તો હજુ સુધી એક પણ મેચ ટાઈ થઈ નથી. પરંતુ જો સેમી ફાઈનલ મેચ ટાઈ થાય છે તો તમારા મનમાં આ પ્રશ્ન આવી શકે છે કે વિજેતા કેવી રીતે ઉભરી આવશે.
જો આ વખતે મેચ ટાઈ થશે તો બાઉન્ડ્રી કાઉન્ટ જેવો વિવાદાસ્પદ નિયમ લાગુ કરવામાં આવશે નહીં. આ નિયમ મુજબ જો મેચ ટાઈ થાય તો સૌથી વધુ બાઉન્ડ્રી ફટકારનાર ટીમને વિજેતા જાહેર કરવામાં આવતી હતી. પરંતુ આ વખતે એવું થશે નહીં. જો સેમી ફાઈનલ મેચ ટાઈ થાય તો સુપર ઓવર કરવામાં આવશે. જો મેચ ફરીથી ટાઈ થશે તો ફરીથી સુપર ઓવર કરવામાં આવશે. બાઉન્ડ્રી કાઉન્ટનો નિયમ વિવાદાસ્પદ હતો. આ કારણોસર તેને રદ કરવામાં આવ્યો છે.
ટીમ ઈન્ડિયા પર નજર કરીએ તો તે ખૂબ જ મજબૂત છે. મજબૂત બેટિંગ લાઇનઅપની સાથે તેની પાસે ખતરનાક બોલિંગ આક્રમણ પણ છે. વિરાટ કોહલી, રોહિત શર્મા, શુભમન ગિલ અને કેએલ રાહુલ સહિત લગભગ તમામ બેટ્સમેનોએ ભારત માટે સારું પ્રદર્શન કર્યું છે. જ્યારે બોલિંગમાં જસપ્રિત બુમરાહ, મોહમ્મદ શમી, મોહમ્મદ સિરાજ અને કુલદીપ યાદવે અજાયબી બતાવી છે. આથી ન્યૂઝીલેન્ડ માટે સેમિફાઇનલમાં જીત મેળવવી ઘણી મુશ્કેલ બની શકે છે.
આ વર્લ્ડ કપમાં ન્યુઝીલેન્ડે 9 મેચ રમી છે અને 5માં જીત મેળવી છે. તેને 4 મેચમાં હારનો સામનો કરવો પડ્યો છે. ભારતે ગ્રુપ મેચમાં ન્યુઝીલેન્ડને 4 વિકેટે હરાવ્યું હતું. તેને ઓસ્ટ્રેલિયા, દક્ષિણ આફ્રિકા અને પાકિસ્તાન સામે પણ હારનો સામનો કરવો પડ્યો હતો.
જો સેમી ફાઈનલ મેચ ટાઈ થાય તો પરિણામ કેવી રીતે આવશે? ભારત-ન્યુઝીલેન્ડ મેચનું ગણિત સમજો
