ઉત્તર પ્રદેશના મહારાજગંજ જિલ્લામાંથી એક ચોંકાવનારો વિડીયો સામે આવ્યો છે. જેમાં એક પુત્રએ તેની માતાને રસ્તા પર ઢોર માર માર્યો છે. પહેલા તો છોકરાએ માતાના વાળ પકડીને ખેંચ્યા, ત્યાર પછી લાતો મારી અને થપ્પડ પમ મારી, પુત્ર તેની માતાને ઘરની અંદરથી બહાર કાઢીને રસ્તા પર લાવ્યો અને ખૂબ જ નિર્દયતાથી માર માર્યો.
વીડિયો સોશિયલ મીડિયા પર વાયરલ થયા બાદ પોલીસે તપાસ હાથ ધરી. પોલીસે પીડિત મહિલાની ફરિયાદના આધારે તેના પુત્ર રિતેશ વર્મા વિરુદ્ધ આઈપીસીની કલમ 323, 504 અને 506 હેઠળ કેસ નોંધ્યો છે.
આ કેસમાં પોલીસ અધિકારીઓનું કહેવું છે કે આરોપી સામે કાર્યવાહી કરવામાં આવી રહી છે. વીડિયોમાં તેની માતા પર મારપીટ કરતો દેખાતો આરોપી ગાયબ છે. નૌતનવાન પોલીસ તેને શોધી રહી છે.