રાજપીપળાથી ડેડિયાપાડા રોડ પર આવેલા બોરીદ્ર-મંડણ ગામે 20 હજાર લિટર ભરેલું ઓઈલનું ટેન્કર પલટી જતા રોડ પરથી પસાર થતાં વાહન ચાલકોને હાલાકીનો સામનો કરવો પડ્યો હતો. સાથે જ રોડ પર ઓઈલ વહી જતું હોવાથી અકસ્માતની ઘટનાઓ પણ બની હતી.
રોડની વચ્ચો વચ્ચે ટેન્કરે પલટી મારી હોવાથી રોડ પર ટ્રાફિકના દ્રશ્યો પણ સર્જાયા હતા. જો આ બનાવની જાણ તંત્રને થતાં તંત્રએ તાત્કાલિક ધોરણે માટી નંખાવી વાહન-વ્યહાર ફરી શરૂ કર્યો હતો.
