રાજસ્થાનના ધોલપુરમાં ભાજપના નેતા પ્રશાંત પરમારના પુત્રની હત્યા કરી દેતા હાહાકાર મચી ગયો છે. ગ્વાલિયર જિલ્લામાં પ્રશાંત પરમારના પુત્ર પ્રખર પરમારની ગોળી મારીને હત્યા કરવામાં આવી હતી. આશ્ચર્યની વાત એ છે કે હત્યા કર્યા બાદ આરોપીઓ પ્રખરના મૃતદેહને યુપીના ઝાંસી પાસે આવેલા કરારી સ્ટેશનના જંગલમાં લાશને આગ લગાડી ફરાર થઈ ગયા. બનાવને લઈ ગ્વાલિયર પોલીસ પ્રખારને શોધવામાં વ્યસ્ત હતી. ત્યારે પ્રખારનો અર્ધ-મૃતદેહ પોલીસને મળી આવ્યો હતો. જે બાદ મૃતદેહને પોસ્ટમોર્ટમ માટે મોકલી આપી તપાસ હાથ ધરી હતી. જેમાં પોલીસે આ કેસમાં કરણ વર્માની ધરપકડ કરી છે.
જ્યારે અન્ય બે સાથીઓની પૂછપરછ શરૂ કરી છે. તપાસ કરી રહેલી પોલીસે આ કેસમાં ચોંકાવનારો ખુલાસો પણ કર્યો છે. હકીકત એવી છે કે, આરોપી કરણ વર્મા મહાનગર પાલિકામાં કર્મચારી છે. કરણ એ વ્યક્તિ છે જેને પ્રશાંત પરમારે પોતાની કોલેજમાં ભણાવ્યો હતો. બીજેપી નેતા પ્રશાંત પરમારને ગ્વાલિયર જિલ્લાના આનંદ નગરમાં એક ઘર માટે 7 લાખ 80 હજારની માંગણી કરી હતી. જે રૂપિયા પુત્ર પ્રખાર 26 ડિસેમ્બરે ગ્વાલિયર મ્યુનિસિપલ કોર્પોરેશનમાં જમા કરાવવા ગયો હતો.
પરંતુ 26મી પછી પ્રખર પરત ન આવતાં પરિવારજનો ચિંતામાં મુકાયા હતા અને પોલીસને જાણ કરી હતી. આરોપ છે કે પોલીસે પણ આ કેસમાં ઢીલું વલણ અપનાવ્યું હતું, પોલીસ આડે હાથે બેસી રહી અને પ્રખરનો મૃતદેહ મળ્યો હોવાના સમાચાર પણ સામે આવ્યા હતા. આરોપીએ પોલીસને જણાવ્યું કે પ્રખાર 7 લાખ 80 હજાર લાવ્યો હતો અને આરોપીનો ઈરાદો બગડી ગયો જે બાદ કરણ વર્મા અને તેના અન્ય બે સાથીઓ પ્રખર પરમારની કારને નિર્જન જગ્યાએ લઈ ગયા હતા.
જ્યાં પ્રખર પરમારની પાછળની સીટ પર બેઠેલા યુવકે ગળું પકડીને દોરડા વડે ગળું દબાવી હત્યા કરી નાખી. તેમજ આરોપીઓએ પ્રખારને ગોળી મારી હત્યા કરી નાખી. હત્યા બાદ આરોપીઓએ લાશને કરરી સ્ટેશન પાસે લઈ જઈને આગ લગાવી ફરાર થઈ ગયા. હાલ તો પોલીસે આ બનાવ મામલે વધુ તપાસ હાથ ધરી છે. ત્યારે આગામી પોલીસ તપાસમાં શુ નવા ખુલાસા થાય છે તે જોવું રહ્યું.
